ýeň

Geýimiň bütin goly örtýän bölegi.

∙ Iki ýeňi tirsegine çenli çermelen Näzik tiz-tizden ädim urup, gyssanmaç gelýärdi. (A. Gowşudow, Köpetdagyň eteginde)

∙ Derlän we çäge syran ýüzüni ýeňi bilen süpürdi. («Sowet edebiýaty» žurnaly)

◊ etekalty, ýeň ýedi bolup barmak — seret barmak 2

∙ Etekalty, ýeň ýedi, Ýöräp barýan ýol bilen. (A. Kekilow, Saýlanan eserler)

◊ ýeň bermezlik — Öz aýdanyňy öňe sürmeklik, öz diýeniňi makullamaklyk.

∙ Pökgen ýeň bermän, Ellini aklady. (A. Gowşudow, Köpetdagyň eteginde)

◊ ýeň çermeşmek — Biri bilen ýumruklaşmaga häzirlenmek, herrelişmek.

∙ Meniň gülsüm bilen gygyryşyp, ýeň çermeşendigimi bir aýtmaweri! (A. Gowşudow, Köpetdagyň eteginde)

◊ ýeň sapy — Türkmen aýal-gyzlarynyň don, çabyt, köýnek ýaly geýimleriniň ýeňiniň ujuna urýan, tikýän aýry reňkdäki matasy.